【點解雙拼燒味，叉燒最多人食？識答請你食叉燒飯！】
燒鴨、油雞、切雞、叉燒、燒鵝、燒肉…
即使燒味有咁多選擇，但根據研究顯示，如果係雙拼，最多人選擇嘅，一定係叉燒。
點解？！點解唔可以係雞鴨飯？一定要叉雞飯？叉鴨飯？
有心理學家指出，人們每日大約做出７０次選擇。對於「選擇」，人類大腦一方面會簡化選擇，亦會選擇「機會成本」較低，令自己唔會後悔既決擇。
美國社會心理學「家希娜．艾恩嘉」喺1995年做左個實驗：先喺超市擺6種口味果醬，調查顧客反應。
過左一星期後，再喺另一間超市放24種果醬，再看顧客嘅反應。
結果顯示，喺最後試食後購買嘅比例，陳列24種果醬的只有3%，但陳列6種果醬購買率有30%，結果竟相差10倍。
將研究放返入燒味飯，燒鴨、油雞、切雞、叉燒、燒鵝、燒肉。睇落有６種選擇，但實際上可以簡化成３種。
「鴨、鵝」「油雞、燒肉」「叉燒、切雞」
喺你作出選擇前，大腦已經自動幫你簡化咗選項，所以揀叉燒嘅機率大大提升。
咁點解大多數客戶會選擇用叉燒黎配搭其他燒味，而唔係用雞或鴨，或者用燒肉呢？！
為咗完美解答香港人每日都面對緊，呢個咁嚴重問題，我特登寫信去美心問，希望佢哋嘅大廚可以解答我問題，點知佢地回覆：
「因為我地嘅MX大師級叉燒真係好食，揀好食嘅嘢係必然，就係咁簡單…無你諗得咁複雜！」
當我睇到呢個答案，簡直有種畀舊叉燒當頭棒喝嘅感覺…
諗深一層，叉燒都算係香港其中一種特色食物，好多外國遊客黎到香港，都想試下正宗香港叉燒！鍾意叉燒其實又真係無咩需要解釋…
＝＝遊戲部分＝＝
為咗表達我對食叉燒嘅熱誠，今次特地送出３０個MX大師級叉燒飯
遊戲非常簡單，只要大家講出「愛叉燒的原因！」我就會選出３０位最好嘅答案，送佢大師級叉燒系列一客 (「重量級叉燒三寶飯」、「啖啖叉燒粟米燴飯」或「火焰叉燒乾炒意粉」)！
我示範答先：
因為阿媽話生舊叉燒好過生我，但我咁優質，叉燒一定更優質！
* 條款及細則：http://bit.ly/freemealtnc *
Search